Восок

Предноста е тоа што на вланата им треба повеќе време за повторно да израснат, а и после депилација влакната се помеки. Болката е епизодна, а некои жени воопшто не ни ја сеќаваат, ако постапката е правилна. Со восок никако не се депилирајте една недела пред и за време на месечниот циклус. За ваква депилација ви препорачуваме да посетите козметички салон, но доколку се одлучите депилацијата да ја правите дома, после отстранувањето на влакната нанесете пудра или нешто друго за смирување на кожата. Восокот се користи за сите делови на телото како бикини зоната, стомакот, рацете, нозете и другите делови.
Недостаток е тоа што депилацијата со восок е комплицирана постапка за домашна употреба. Влакната треба да нарастат пред депилација најмалку 0.5 cm.


Креми

Кремите за депилација ги отстрануваат влакната нешо под површината на кожата и влакната израснуваат повторно за околу една недела. Кремите можат да се користат без разлика на големината на влакната, или на подрачјето, само ако можете да го поднесете нивниот мирис.
Недостаток е тоа што депилациските креми се неуредни, мирисаат непријатно. Консултации со доктор или алерго тест се многу важни пред нивна употреба.


Електролиза

Иако е потребно неколку пати да го посетите козметичкиот салон, после неколку третмани, влакната престануваат да растат. Ова е трајна метода за отстранување на влакната.
Недостаток на ваквата депилација е што се употребува најчесто за мали подрачја. Постапката треба да се повторува повеќе пати, атретманите се доста скапи.


Ласер

Ласерското отстранување на влакна е трајно. Во зависност од кожата се препорачуваат различни третмани. Како и кај електролиза третманот треба да го прави стручно лице. Обично треба да се направат најмалку три третмани пред потполно отстранување на влакната, а тоа е многу скапо.
Освен цената, друг недостаток е тоа што третманите треба да се прават во текот на зимата, бидејќи е потребно да се избегнува сонцето пред и после третманот.