Ова е прекрасна бесплатна рутина за вежбање на стомачните мускули доколку патувате многу, или пак многу спортувате и не секогаш наоѓате време да свратите до вежбалната за да ги направите неопходните вежби за стомакот. Добрата работа доколку ги практикувате овие вежби за стомакот е тоа што ќе спречите повреди во грбот  и рбетот.
Пред да започнеме, ако имате било какви проблеми со грбот би било добро претходно да се консултирате со доктор или физиотерапевт.
Оваа рутина содржи 8 вежби кои ги повторувате една по друга, 10 до 15 повторувања од секоја. Ако почнувате за прв пат, ви препорачуваме да изведете од 6 до 8 повторувања од секоја вежба. Не се секирајте, придржувајте се кон вежбите и за неколку недели ќе постигнете по 10 повторувања.
Да започнеме:
1. Легнати на грб со нозете благо свиткани, правете станувања и секој пат кога ќе се исправите допрете го коленото со спротивниот лакт. Држете ги рацете покрај главата, не позади неа.   
2. Додека лежите на грб со благо свиткани нозе, подигнете го горниот дел од вашето тело и донесете го вашите колена. Ова е кратко и остро движење. Држете ги рацете покрај главата, не позади неа.
3. Исто како претходната вежба само што овој пат донесете го лактот до спротивното колено пред да се вратите назад во легната позиција, и се разбира повторувајте го движењето.
4. Легнати со испружени нозе, малку подигнати, со рацете позади вашиот грб, подигнете ги нозете за 30 см од земјата и вратете ги назад скоро до подлогата.
5. Почнете со легнување на подлога така што вашите нозе ќе бидат малку подигнати од подот и истегнете се со рацете покрај главата. Во исто време донесете ги вашите колена и горниот дел од телото да се спојат во едно „веслачко“ движење.
6. Исто како втората вежба, само што се подигате и го допирате коленото со лактот само на една страна. Повторете ја вежбата 10-15 пати на една страна пред да промените.
7. Направете ја оваа вежба со исправени нозе и испружете ги вертикално.
8. Со вашите нозе широко раширени, почнете од стоечка позиција и со исправен грб, посегнете со вашата рака до спротивната нога. Испружете ја другата рака вертикално нагоре. Повторувајте ја оваа „ветерница“ вежба 10-15 повторувања на секоја страна.
Завршете го тренингот со „кобра“ истегнување – легнете на стомак, со колената на земја и рацете до телото и почнете да се оттурнувате, односно да го подигнувате горниот дел од вашето тело така што грбот ќе заземе облик на лак. Подигнувајте се до позиција која ви е комфорна. Потоаод таа позиција повлечете се наназад така сто рацете ви остануваа истегнати напред а вие се наоѓате седнати на листовите од нозете (со свиткани колена). Одлична вежба за завршување на тренинг за стомачни мускули.