Кога е кожата осетлива ...

Осетливата кожа има потреба од посебна и осетлива нега: внимателен пристап при изборот на козметичките производи кои содржат активни регенерирачки состојки.
Млада или стара кожа, секогаш е подложена на бурни реакции, црвенила и надразнетост. Тие се основни карактеристики на осетлива кожа, но најчесто станува збор повеќе за субјективно чуство отколку за проблеми кои се видливи од надвор. Таков тип на кожа, исклучиво осетлив и склон на алергиски реакции, бара посебна нега и многу внимателен пристап при изборот на козметичките производи кои ќе се употребуваат.

Кожа без заштита
Кожата станува особено осетлива кога е лишена од драгоцената природна заштита која ја овозможува хидролипидниот слој. Без тој невидлив површински слој вода, невозможно е кожата да се заштити од надворешните штетни и агресивни влијанија. Кога, поради долготрајно изложеност на штетно делување на надворешните агенси (ветар, влага, сончеви зраци или брзи температурни промени), доаѓа до пореметување на рамнотежата на природната хидролипидна бариера, кожата веќе не е способна да задржи вода на површината, ја губи природната мекост и полека таа станува многу осетлива. Со текот на времето состојбата се влошува бидејќи хидролипидниот слој се повеќе се уништува, а долготрајната дехидрација може да доведе и до предвремено стареење на кожата.

Урамнoтежување и заштита
Осетливата кожа може да се надразни при контакт со многу состојќи кои обично се користат во козметичките производи. Колку и да се квалитетни некои производи и одлично да одговараат на нормална кожа, може да имаат состојки кои осетливата кожа тешко ги поднесува, пример мириси на бази на алкохолни екстракти и сл. Со тоа, луѓето со осетлива кожа за секојдневна употреба треба да одберат производи наменети посебно за таков тип на кожа бидејќи тие со нивното делување ги реактивираат природните механизми за самоодбрана. Станува збор за комплетна линија која во својот состав содржи активни состојќи за регенерација, како хијалуронски киселини, колагин и глицерин. Но тоа не е се, таквите производи се збогатени со состојки за смирувачко дејство, како термална вода и камилица, кои го ублажуваат црвенилото, пржењето и чуството на затегната кожа.

Уште неколку совети
Употребата на производи за кожа со намалена осетливост дава подобри резултати во комбинација со здрав начин на живот, а под тоа се подразбира и грижа и нега и здравје на кожата. На пример, личностите кои имаат изразито осетлива кожа на лицето би требало да избегнуваат обичен сапун бидеји тој има состојќи кои се потенцијални надразнувачи. И честа употреба на многу врела вода може да биде штетна бидејќи влијае врз слабеењето на хидролипидниот филм. Исто така не смеете да заборавите дека избегнувањето на козметичките производи, со цел да се изолирате од можни бурни реакции е погрешен пристап. Напротив, на осетливата кожа и е потребна повеќе нега и заштита отколку на останатите типови на кожа. Важно е само да се одберат соодветните производи.