Маска за сјај на косата
-----------------------------------------------------------------------------------------------------------------------------------------

Сувата и оштетена коса, бара интензивна нега на миење со шампон и регенератор. Маските ја негуваат косата длабински, ја опоравуваат и и го враќаат нејзиниот сјај. Одговараат на сите видови на коса, а се нанесуваат еднаш или повеќе пати неделно, во зависност од состојбата на косата. Освен тоа, маската ја заштитува косата од сите штетни влијанија на кои е изложена во текот на денот, од чадот, чешлањето, од жешкиот воздух, бојата за коса и UV зраците. Ако е косата сува и оштетена, најдобро е маската да се нанесува после секое миење, се додека не осетите промена на косата. За одржување и превенција, маската нанесувајте ја еднаш неделно. Ако ја миете косата на секои два до три дена, маската нанесувајте ја на секое второ миење. И покрај сите маски кои ви се на располагање во продавниците, ние ви препорачуваме еден домашен рецепт за нега на косата: маска со жолчка, јогурт и маслиново масло. Ставете ја на косата пред миење и расчешлајте ја со чешел со широки запци за да ја распоредите рамномерно. После тоа, главата завиткајте ја со алуминиумска или пластична фолија, под која, заради топлината, хранливите состојки од маската брзо ќе се впијат во влакното, а ќе се спречи и настанувањето на статички електрицитет. На крајот косата добро ќе ја измиете со шампон, прво со млака, а потоа со ладна вода. Благодарeние на ладната вода косата ќе биде сјајна и еластична.