::.. Бидете во шема со bitolasema.com.mk ..::

Температурите од ден на ден се повисоки, асфалтот вжештен и целиот град некако е успорен, а вие сакате да се чуствувате свежо и полетно, да изгледате блескаво.

Што треба да превземете? Ќе ве потсетиме на седум најважни чекори кои треба да ги направите за да ви донесат свежина и блескав изглед, дури и во високите температури.

Туширање – откако ќе се разбудите, ведаш истуширајте се со млака вода, а туширањето нека трае околу пет минути. Потоа, со млаз ладна вода миете го лицето околу две минути, па избришете се со нежна памучна крпа.
Хидратација – за време на летото, потполно треба да се промени начинот на нега на лицето и телото, почнувајќи од хидратацијата. Одберте соодветен гел и нежно нанесете го на образите, брадата, вратот и челото. Веднаш потоа отворете го замрзнувачот и ставете ја раката внатре, во внимавајќи при тоа ништо да не дипирате. Откако ќе почуствувате дека вашата дланка е оладена, полека допирајте го вашето лице со таа рака околу триесеттина секунди (тоа е многу едноставно, но навистина е добар начин на освежување)
Термална вода – дома сте, на работа или во автомобилот и сте многу жедни. Отворете го прозорецот и испрскајте се со вода по лицето, зад ушите и по вратот со малку термална вода. Оставете ја кожата сама да се исуши.
Дезодоранс – кога станува збор за дезодорансот, препорачливо е преку лето да избегнувате производи со интензивен мирис. Напротив, дајте му предност на млеко за тело или крем кои реагираат на потењето. Ако во текот на денот осетите дека многу сте испотени, а не сте во можност да се преслечите или истуширате, освежете се со влажни марамчиња без мирис. После тоа, испрскајте се со дезодоранс со благ мирис.
Тоник – жешко ви е лицето? Земете една марама и навлажнете ја со тоник и нежно бришете го лицето по целата површина. Тоникот има адстрингентно делување на порите кои се раширени поради топлината. Или, во замрзнувачот ставете марама натопена во тоник. Оставете ја така во замрзнувачот десеттина минути, потоа извадете ги и нанесете ги на лицето – во истиот момент ќе почуствувате олеснување и освежување.
Крем – ако ве мачат уморни и потечени нозе, пробајте да ги освежите со марама натопена во ладна вода. Откако кожата ќе се исуши, со крем на база на ментол измасирајте ја целата нога. Сакате да ги облечете омилените сандалки, но стапалата ви се потечени? Истријте ги со парчиња мраз. Почекајте да се исушат, а потоа нанесете хидратантен крем.
Гел – пред да легните, целото тело намачкајте го со гел на база на алое – ќе почуствувате свежина која на вашата кожа ќе остане цела вечер. Потоа, по душекот попрскате малку ароматична вода со мирис на лавадна (во распрскувачот ставете литро вода и додајте десет капки есенцијално масло ливанда). Распрскувачот чувајте го покрај креветот и употребете го кога ќе почуствувате голема жештина.