Грешки во врската
-----------------------------------------------------------------------------------------------------------------------------------------

Во светот на забавувањето постојат непишани правила кои треба да се почитуваат. Сексот со бившиот не е пожелен, и е прво правило кое треба дасе почитува. Иако тоа можеби ќе ви ги разгори старите страсти може да доведе до мешање на чувствата.
Немојте да го чувате бројот на вашиот бивш во телефонот затоа што мали се шансите да ви притреба. Можеби глумите оргазам само за да не го повредите, а најдобрата пријателка ја немате видено веќе месеци само затоа што премногу сте зафатени со љубовниот живот.

Секс со бившиот партнер - не никако
Впуштање во сексуална врска со бившиот дечко, сопруг или некој со кој сте биле само една ноќ може навистина да ги комплицира работите. Чувствата кое сте ги имале порано може да испливаат на површина, може да се појави надеж, а можеби ќе треба да се борите со голема потреба. Хормоните можат да ве излажат, па дури можеби ќе се надевате на среќен крај заборавајќи ги причините заради кои сте прекинале. Ќе се присетувате на добрите моменти, а можеби и ќе се фатите сами како размислувате дека сте пак заедно. Зарем сево ова не ви се чини доволно комплицирано. Најдобро заборавете на него и сетете се дека сте раскинале и сигурно сте имале добра причина за тоа.

Не му дозволувајте да ги чува вашите голи фотографии
Без разлика на тоа што мисли за порнографијата и еротските фотографии, помислата дека можеби вие ќе бидете следна девојка на порнографските фотографии не е баш најдобра нели?

Не одете во wc со него
Паровите кои се во долги врски се многу блиски и поврзани, што им дозволува да прават работи кои на почетокот на врската никогаш нема да ги прават. Ги чистите забите со конец, ги местите гаќичките, ги прицкате мозолчињата, ги ублажувате менструалните болки на разни начини не скривајќи се од партнерот... Но многу луѓе сметаат дека сепак треба да постојат граници. Ова е посебно важно при користењето на тоалетот. Некои работи просто не треба да ги знаете еден за друг, затоа затворајте ја вратата од тоалетот.

Никогаш немојте да му пишувате писма на вашиот бивш во кои му откривате колку го сакате
Постои причина зошто раскинувањето се вика раскинување. Раскинуваш и продолжуваш понатаму, со нагласок на тоа понатаму. Пишењето на писма на вашиот поранешен партнер ни оддалеку не е добра идеа. Доколку му ја откриете вашата тага ќе станете ранливи и полесно ќе може да ве повреди, а потоа вас ќе ви биде срам заради таквиот чекор. Затоа подалеку од смс и од празни листови хартија кои само ќе ви помогнат да ве фати носталгија за поминатите времиња.

Немојте да ги запоставате пријателките заради дечкото
Сите сигурно сте имале по една пријателка која исчезнува штом најде нов дечко. Не се јавува се додека не наиде на проблеми во врската или не раскинат. Тогаш обично се јавува расплакана и бара рамо за плачење. Ако сте една од тие кои ги запоставуваат пријателките запрашајте се дали машките се вредни за тоа. Пријателките кои во текот на новата врска сте ги запоставиле немаат никаква обврска кон вас. Тоа сигурно нема да ви биде драго, па затоа поставете приоритети.

Никако не глумете оргазам
Ова е едно од најважните правила. Никогаш не глумете оргазам па дури тогаш кога мислите дека тоа е обичен чин кој ќе му помогне да не си го изгуби самопочитувањето. Статусот на лажен совршен љубовник нема да му помогне. На крајот само вие ќе плаќате бидејки ќе бидете сексуално незадоволени. Во врската се се кажува, кажете му каде сакате да ве допира што прави добро а што лошо, сигурно би сакал да чуе.