Кејт Бекинсејл е родена на 26 јули 1973 година во Англија, и живее во Лондон поголемиот дел од својот живот. Нејзината мајка, Џуди Ло, која е британска актерка позната во Британската телевизиска продукција. Нејзиниот татко, Ричард Бекинсејл, е роден во Нотингем, Англија. Тој се појави во повеќе британски телевизиски комедии за време на седумдесетите години од XX век. Тој трагично почина во 1979 година на 31 годишна воздраст.
Кејт учеше на приватното училиште Godolphin и Latymer во Лондон. Како дете, таа два пати ја доби наградата за помлад писател W.H. Smith, еднаш за три приказни и еднаш за три песни. Таа после бурното детство, лечејќи се од анорексија и борејќи со пушењето кое трае се до денес, реши да се зафати со глумење.
Своето деби го имаше во ТВ филмот за втората светска војна "One Against the Wind", снимен во Луксембург во 1991 година. Кејт се запиша на Оксфорд универзитетот во есента 1991 година, каде што дипломира на Француска и Руска литература. Таа иако имаше веќе одлучено да се занимава со глумење, сепак реши да ги прошири своите хоризонти и одбра универзитет во однос на училиште за драма. Кејт работеше на неколку филмови додека беше на Оксфорд со кои постигна значаен успех. Потоа, во третата година на студии, замина за Франција со програмата за размена на студенти каде што се запозна со француските луѓе, јазик и цигари.
За време на својот престој во Парис, таа стоеше пред голема одлука, дали да продолжи со своето школување или да се сконцентрира на својата веќа развиена актерска кариера. После многу размислување таа се одлучи за актерство. Во пролетта 1994 година, Кејт го напушти Оксфорд, откако заврши 3 годишни студии.
Глумејќи на сцена заедно со театарската група "Телма Холтс", таа ја помина 1995 година. После тоа следеа големи проекции на Британското платно, од каде се прошири и во Холивуд. Денес е една од најсексипилните жени, на кои не им пречи да глумат вампири од време на време.